martes, 17 de junio de 2014

LIBRO E PRAIA


E este verán non esquezades ler sen moderación!!!.

MANGA


Entre as novidades que podes atopar estes días na biblio están uns mangas moi interesantes. Obras da literatura universal que son interpretadas con absoluta modernidade pola editorial Herder. O Príncipe de Maquiavelo e A Divina Comedia de Dante son todo un regalo convertidos en comic xaponés.

OS MITFORD



Jessica Mitford era a quinta de seis irmás dunha lendaria familia aristocrática inglesa que durante os anos trinta e corenta do século XX faríanse famosas polas súas condutas supostamente escandalosas. As seis irmás Mitford eran, Nancy, Pamela, Diana, Unity, Jessica e Deborah cada unha coa súa peculiar personalidade, aínda que todas coa mesma apaixonada entrega aos seus ideais. Unity, admiradora fervente de Hitler; Nancy, cáustica escritora de best-sellers, amiga dos intelectuais da súa época; Pamela, independente e cosmopolita; Diana, esposa do líder fascista inglés Mosley; Deborah, prototipo da terratenente amante da xardinaría; por último Jessica que atopaba o mundo da súa familia tan peculiar como asfixiante e por iso decidiu abandonalo pronto: escapouse a España moi novo co seu noivo, un sobriño de Churchill, a loitar na guerra civil; o consecuente escándalo, que incluíu o envío dun destrutor británico para recuperar aos dous prófugos, inspirou algúns das pasaxes máis divertidas e mordaces dun libro que se publica con moito retraso en España.
Un libro de aventuras, un ensaio de antropoloxía social, unha historia de amor; Nobres e rebeldes é todo iso, ademais dunha deliciosa autobiografía.

martes, 10 de junio de 2014

MAFALDA



Quino o creador de Mafalda será o próximo Premio Príncipe de Asturias de Comunicación e Humanidades. O xurado 2014 destacou "as lúcidas mensaxes de 'Quino', que seguen vixentes por combinar con sabedoría a simplicidade no trazo do debuxo coa profundidade do seu pensamento" e valorou "o enorme valor educativo" da súa obra. Mafalda non pode estar máis contenta e todos con ela!!!!.

martes, 3 de junio de 2014

FEIRA


A Feria do Libro de Madrid é un dos grandes acontecementos literarios do ano en España. O seu inicio, a semana pasada, serve de termómetro dun sector golpeado pola crise con dureza. Compartimos un enlace sobre os mellores carteis da Feira como homenaxe a unha cita ineludible.