UMPA-PÁ

Adquirimos para a biblioteca do centtro Umpa-pá, unha serie de comics recopilados agora nun libro pola editorial Salvat. Os creadores do mesmo foron Uderzo e Goscinny ou o que é o mesmo os pais de Asterix e Obelix. Tal e como nos conta a Wikipedia as historietas de Umpa-pa transcorren na américa do Norte do século XVIII, cando a carabela La Arrogante chega a aquelas afastadas terras para conquistar territorios por orde do rei. O impetuoso cabaleiro Humberto da Pasta de Hojaldre, ansioso por explorar as terras americanas, desembarca en solitario, e Umpa-pá, valeroso guerreiro da tribo dos Valevale, captúrao. Xa na súa tribo, outros importantes personaxes do clan como o ancián Sóloundiente ou o feiticeiro Comollueve, pretenden comerse ao cabaleiro, mentres que se Umpa-pà desexa conservalo, deberá pasar unha serie de probas. Durante o transcurso das mesmas, Pasta de Hojaldre deféndeo, e isto emociona a Umpa-pà que no momento manifesta que se sae vitorioso, o cabaleiro xa non será o seu prisioneiro, senón o seu irmán e amigo. O protagonista consegue vencer, e Pasta de Hojaldre é adoptado pola tribo baixo o nome de Perruca Nevada, pola perruca empolvada que usa.

ROSALIE BLUM

Se tivese que escoller un libro para regalar en Nadal regalaría a novela gráfica Rosalie Blum de C. Jourdy. Ed. La Cúpula. Un texto divertido de debuxo detallista e minucioso, cheo de sensibilidade e humor sen límites.

Nun pequeno e aburrido pobo viven Vincent, un perruqueiro de trinta anos que aínda non conseguiu cortar o cordón umbilical que lle une á súa excéntrica nai; Rosalie, unha muller que tenta afogar o seu escuro pasado a través do whisky, e Aude, que se deixa arrastrar pola vida.
A vida monótona de Vincent verase perturbada por un encontro que lle xerará unha vaga e imprecisa reminiscencia de algo ou alguén pasado e que derivará en obsesión. O detonante é a aparición dunha muller, Rosalie, que parece levar unha vida tan aburrida como a de Vincent. Axudará este encontro a que Vincent supere os seus demos?.
En Rosalie Blum asistiremos a tácticas de espionaxe e contraespionaje e coñeceremos a desternillantes personaxes como o compañeiro de piso de Aude, que quere montar un circo sen ningún tipo de recurso económico; a misteriosa Bernardette; a aloucada e descarada Cécile, e a estrafalaria nai de Vincent.
Rosalie Blum recibiu os premios RTL en 2009 e o de autor revelación no Festival International da Bande Dessinée de Angoulême en 2010.

EL HOGAR DE MISS PEREGRINE

El Hogar de Miss Peregrine para niños peculiares de Ransom Riggs ten un dos videos promocionais máis irresistibles dos últimos tempos. O libro é unha xoia, fermoso, misterioso e insuperable a nivel gráfico. Unha enigmática historia sobre nenos extraordinarios e monstros escuros; unha fantasía arrepiante ilustrada con inquietantes fotografías que deleitará a mozas e adultos. De neno, Jacob creou un vinculo moi especial co seu avó, que lle contaba estrañas historias e ensináballe fotografías de nenas levitando e nenos invisibles. Agora, seguindo a pista dunha misteriosa carta, emprende unha viaxe cara á illa remota de Gales na que o seu avó se criou. Alí, atopa vivos aos nenos e nenas das fotografías, aínda que os aldeáns afirmen que morreron hai moitos anos.

TANGO

De seguro a novela máis agardada do Nadal. El Tango de la Guardia Vieja de Pérez Reverte (Ed. Alfaguara) promete aventuras pero desta volta relacionadas co mapa dos sentimentos, un tema pouco tratado polo autor. 

Unha parella de mozos apostos, aburados por paixóns urxentes como a vida, míranse aos ollos ao bailar un tango aínda non escrito, no salón silencioso e deserto dun transatlántico que navega na noite. Trazando sen sabelo, ao moverse abrazados, a rúbrica dun mundo irreal cuxas luces fatigadas empezan a apagarse para sempre.

Un estraño desafío entre dous músicos, que leva a un deles a Bos Aires en 1928; un asunto de espionaxe na Riviera francesa durante a Guerra Civil española; unha inquietante partida de xadrez no Sorrento dos anos sesenta...

O tango da Garda Vella narra con pulso admirable unha turbia e apaixonada historia de amor, traizóns e intrigas, que se prolongan durante catro décadas a través dun século convulso e fascinante, entre a luz crepuscular dunha época que se extingue.

ECLIPSE MORAL

Algúns dos libros máis prestados da biblioteca pertencen a saga Crepúsculo, o seu éxito ten moito que ver cunha historia de amor-adolescente imposible que repite esquemas por todos coñecidos. Pero á obra pódeselle facer una crítica máis dura dende outro punto de vista... No seguinte artigo máis detalles.

OS MISERABLES

O día de Nadal chegará as pantallas de todo o mundo  a adaptación  de Os miserables  novela  de  Victor Hugo   Un texto de éxito universal que moita xente coñece tamén polo musical do mesmo título. En realidade a película segue punto por punto o desenrolo do mesmo. Un bo momento para recuperar a loita dos oprimidos en calquera circunstancia e situación.

FUTURO IMPERFECTO

Iniciamos o Clube de Lectura dos maiores (Bacharelato) coa obra Futuro Imperfecto de Xulia Alonso Díaz. Vida e literatura ás veces camiñan á par. Iso acontece neste libro, no que Xulia Alonso narra a historia máis importante da súa vida: a do seu amor por Nico e a da experiencia da súa perda. Durante as décadas de 1980 e 1990, moitos mozos descubriron simultaneamente o amor e a droga. As consecuencias desa vivencia marcáronos para sempre, a algúns de xeito dramático. Este libro é un reencontro con ese tempo, coa súa presenza proxectada no futuro. Un futuro que xa non pode ser perfecto mais é esperanzado.

No seguinte enlace podedes atopar unha boa crítica dunha obra dura pero necesaria para recordar un tempo no que toda unha xeración desapareceu levada pola droga.

O primeiro libro de Xulia Alonso Díaz, resultou gañador da XVII edición do Premio Arcebispo Juan de San Clemente en lingua galega. Os outros finalistas foran Denso recendo a salgado, de Manuel Portas, e Cabalo de ouros, de Víctor F. Freixanes. Organizado polo Instituto Rosalía de Castro de Santiago de Compostela, o Premio está dotado con 9.000 euros e recoñece a mellor novela do ano en cada modalidade, elixida por alumnos de Bacharelato deste e doutros catro institutos galegos. A edición deste ano contou ademais cun instituto portugués e outro de Madrid.

RESPOSTA: SI

XOELIQUI

O libro escollido para iniciar o clube de lectura no primeiro ciclo da ESO é Xoeliki. Un neno de once anos que xoga ós videoxogos e pasa moito tempo só na casa porque a nai traballa todo o día e o pai morreu hai uns anos. A vida do neno é monótona e rutineira ata que un día recibe un paquete sorpresa que lle cambiará a vida para sempre. 

O deseño gráfico do libro, editado por Soutelo Branco, recorda moito o manga xaponés.

OS FILLOS DO MAR

Hoxe queremos recomendar un texto que está acadando un gran éxito de público e crítica entre os lectores galegos. Trátase da novela de aventura Os fillos do mar de Pedro Feijoo.

Simón Varela é un mediocre arquitecto residente en Vigo. Un día recibe unha chamada dunha señora da alta sociedade viguesa, Isabel Llobet, para que lle faga unha reforma nunha fonte da súa propiedade, nun pazo de Canido. Aos poucos días de comezar a reforma, Simón atopa un cofre pechado. Simultaneamente, a señora, xa maior, morre en estrañas circunstancias. A partir de aquí, o arquitecto vese involucrado nunha intrigante trama na que tamén parece estar envolta a familia da muller morta. Novela de aventuras, novela de intriga, escrita con ton humorístico, a acción de Os fillos do mar condúcenos detalladamente a través do Vigo de hoxe, cidade que en boa medida protagoniza tamén a novela. Ao tempo, a trama cóbrese cun atractivo pano histórico que nos conduce ata 1702, na Batalla de Rande, aínda que deixa tamén os seus elos na Guerra Civil española e nos tempos do nazismo alemán. Os fillos do mar é unha novela trepidante, que viaxa constantemente no tempo para atopar as claves dun presente que o protagonista precisa desvelar.

CONTOS

Atopamos unha curiosa páxina onde os protagonistas son os contos. Relatos interactivos  para os máis pequenos, e tamén para os nenos grandes, nos que podemos participar activamente e pasar bos momentos recordando esas historias que todos escoitamos de nenos.

ABRIR AQUÍ

Para usuarios despistados. A primeira regra abrilo.

DONDE LOS ÁRBOLES CANTAN

Laura Gallego (Valencia 1977) obtivo este ano o Premio Nacional de Literatura Infantil y Juvenil pola súa máxica obra Donde los árboles cantan, pola sua beleza queremos recomendala dende a biblioteca.

Viana, a única filla do duque de Rocagrís, está prometida ao novo Robian de Castelmar desde que ambos eran nenos. Os dous ámanse e casarán na primavera. Con todo, durante os festexos do solsticio de inverno, un arisco montaraz advirte ao rei de Nortia e os seus cabaleiros da ameaza dos bárbaros das estepas... e tanto Robian como o duque ven  obrigados a marchar á guerra. En tales circunstancias, unha doncela como Viana non pode facer outra cousa que esperar o seu regreso... e, talvez, prestar atención ás lendas que se contan sobre o Gran Bosque... o lugar onde as árbores cantan.

DÍA DAS BIBLIOTECAS

O pasado día 24 de Outubro celebrouse o días das Bibliotecas, seguindo o exemplo da Páxina das Bibliotecas Escolares parécenos moi boa idea facer referencia a unha escolma de libros que tendo como protagonistas aos mesmos e as bibliotecas recompilou a Biblioteca Civicam de Pamplona. Harry Potter estaría abraiado rapaces!!!.

DUBLINÉS

Astiberri Ediciones é unha editorial vasca centrada na novela gráfica. Este ano está de noraboa pola publicación dunha novela gráfica de Alfonso Zapico centrada na vida de James Joyce na que percorre os momentos, conversacións, penurias e aventuras coas que se foi construíndo unha das grandes figuras do século XX e pola que gañou o Premio Nacional do Cómic 2012, promovido polo Ministerio de Cultura.

Cun arduo traballo de documentación e de plasmación en viñetas, este relato salpicado de múltiples anécdotas, é ademais unha cativadora viaxe en tren por aquelas cidades –Dublín, Trieste, París e Zúric– polas que foi deixando o seu rastro de vida este irlandés universal. 

Na páxina da editorial podemos atopar fondos de escritorio relacionados coas novelas publicadas e en fin cos libros, son alucinantes. Picade aquí e escollede animando a vosa pantalla!!!.

NADA DE JANNE TELLER

O libro "Nada" da escritora danesa Janne Teller, rexeitado nun principio polas editoriais por ser demasiado raro, para logo chegar a ser lectura recomendada en colexios en Escandinavia e gañar diversos premios prestixiosos, chega por fin a España, publicado por Seix Barral.

Tras dez anos de polémica nos países europeos, a autora nórdica de orixe austro-alemán, Janne Teller, sentese moi ilusionada pola chegada do libro a España, pero tamén -di- "moi preparada" para as posibles reaccións ou críticas que poida ter, como explicou ela mesma nunha entrevista con Efe.

A novela relata a historia do mozo Pierre Anthon, que un día se dá conta de que nada realmente importa na vida; e, por tanto, non merece a pena facer nada. Entón sóbese a unha ameixeira, desde onde lanza mensaxes desafiantes aos seus compañeiros de clase sobre as razóns polas que, segundo el, nada importa.

Tanto desmoraliza aos seus compañeiros, que estes deciden reunir obxectos esenciais co fin de demostrarlle que hai cousas que dan sentido á existencia. No seu reto arriscarán parte de si mesmos e descubrirán que só ao perder algo se aprecia o seu valor

SAMAÍN

Achégase o Samaín e queremos recomendar algunhas lecturas que podedes atopar na biblioteca para pasar medo. Moitas foron levadas ó cine con éxito, precisamente estes días temos en carteleira unha peli de animación que recorda moito a outra gran novela de terror. Cal rapaces?.

 

NENOS

Porque a lectura é un dereito. Porque todos temos dereito a ser nenos. Imaxes para soñar lendo dende todos os lugares do mundo.

FONTE

SORGO VERMELLO

Mo Yan é o pseudónimo de Guan Moye que significa non fales.  Mo yan, nado en 1955 en Shandong, China é o novo premio Nobel de literatura. Moi novo alistouse no exército popular e comezou a escribir as súas obras que en xeral foron ben recibidas polo réxime comunista. Comparado con Kafka ou García Márquez no seu realismo máxico de corte oriental a súa obra é pouco coñecida en España.  Quedámonos, de momento, coa adaptación cinematográfica da súa novela Sorgo Vermello  levada ó cine polo gran Zhang Yimou.

BUSCAS MOZA?

SAL CUNHA MOZA QUE NON LE

Sal cunha moza que non le. Atópaa no medio dun bar. Atópaa no medio do fume, da suor e das luces multicolores dunha discoteca de luxo. Onde a atopes, descúbrea sorrindo e asegúrate de que o sorriso permaneza mesmo cando quites a mirada. Catívaa con palabras pouco sentimentais; usa as típicas frases de conquista e ri para os teus adentros. Sácaa á rúa cando os bares e as discotecas den por concluída a velada; ignora o peso da fatiga. Bícaa baixo a choiva e deixa que a tenue luz dun farol da rúa vos alumee,  así como ocorre nas películas. Fai un comentario sobre o pouco significado que todo iso ten. (Charles Warnke)

SAL CUNHA MOZA QUE LE

Sal con alguén que se gasta todo o seu diñeiro en libros e non en roupa, e que ten problemas de espazo no armario porque comprou demasiados. Convida a saír a unha moza que ten unha lista de libros por ler e que desde os doce anos tivo un carnet de subscrición a unha biblioteca.

Sal cunha moza que le porque o mereces. Meréces unha muller capaz de darche a vida máis colorida que poidas imaxinar. Se só tes para darlle monotonía, horas trilladas e propostas a medio cociñar, virache mellor estar só. Pero se queres o mundo e os mundos que hai máis aló, convida a saír a unha moza que le.

Ou mellor aínda, a unha que escriba. (Rosemarie Urquico)

NUNCA É TARDE

Queremos recomendar dous textos para os alumnos de Bacharelato que teñen en común a protagonistas pouco comúns nas novelas de aventuras e viaxes iniciáticos: anciáns. El insólito peregrinaje de Harold Fry de Rachel Joyce e El abuelo que saltó por la ventana y se largó de Jonas Jonasson, editados por Salamandra.

No primeiro, unha mañá calquera, mentres a súa muller pasa o aspirador no piso de arriba, Harold Fry sae de casa para botar unha carta á caixa de correos. Recentemente xubilado, Harold está lonxe de imaxinar que acaba de iniciar unha viaxe a pé dun extremo a outro do país. Non leva calzado nin roupa adecuada, nin sequera un teléfono móbil, e moito menos un mapa ou un compás. Para que levalos?. Tan só vai á caixa de correos da esquina para responder á misiva dunha vella amiga.

No segundo, momentos antes de que empece a pomposa celebración dos seu centésimo aniversario, Alian Karlsson decide que nada diso vai con el. Vestido co seu mellor traxe e unhas pantuflas, empolícase a unha xanela e marcha da residencia de anciáns na que vive, deixando plantados ao alcalde e á prensa local. Sen saber onde ir, encamíñase á estación de autobuses.

Humor, aventura, nostalxia, e sobre todo vitalidade, para facernos entender que calquera idade e boa para ser novo e por suposto para viaxar.

O HOBBIT

A nosa primeira recomendación rapaces ten que ver cun clásico da literatura de aventuras: O Hobbit de Tolkien. O hobbit Bilbo Bulseiro gústalle a vida cómoda e tranquila do seu burato-hobbit, onde almorza, merenda e cea varias veces ó día. Pero a inesperada visita do mago Gandalf fai espertar no seu interior o espírito aventureiro dos seus devanceiros. Deste xeito ve trascadeada a súa vida cotiá e, sen saber moi ben como, emprende unha longa viaxe con trece ananos barbudos en dirección ás Montañas para recuperar un tesouro roubado polo dragón Smaug, esquecido hai moito tempo. 

Precuela do Señor dos Aneis a partir deste Nadal poderemos disfrutar das aventuras de Bilbo no cine. O texto será dividido en tres películas que serán estreadas consecutivamente a final de ano dende este 2012. Máis abaixo un avance.

GÚSTAME LER